Naturalize Now (Haitian Creole)
لعربية |中文 |English|Español| Français| 한국인| Tagalog| Tiếng Việt
Bon nouvèl! Kòm yon rezidan pèmanan legal pou plis pase senk ane, ou ka elijib pou vin yon sitwayen ameriken atravè natiralizasyon.
Men ki jan pou w kòmanse pwosesis aplikasyon natiralizasyon w lan kounye a:
- Verifye anliy si w kalifye pou w natiralize sou www.uscis.gov/naturalization-eligibility.
- Panse pou w kontakte yon founisè ki otorize pou bay sèvis jiridik pou ba w konsèy, ou kapab jwenn sa gratis oswa peye yon ti kal kòb.
- Verifye kalifikasyon w pou w wè si yo pa ka retire frè a pou w epi sa ka rive ou menm aplike nan yon frè ki redui oswa gratis.
- Kreye yon Kont sou myaccount.uscis.gov.
- Prepare fòm N-400 ou an, Aplikasyon pou Natiralizasyon, epi soumèt aplikasyon ou an!
Avantaj ou genyen yo lè w se yon sitwayen Ameriken se:
- Dwa pou w rete Etazini;
- Kalifye pou w gen yon paspò Ameriken pou w ka vwayaje aletranje pi fasil;
- Dwa pou w vote, pou w patisipe nan eleksyon epi ou ka aplike pou kèk djòb federal ak deta.
- Evite frè renouvèlman pou Kat Rezidans epi ekonomize plis pase $540 pou chak fwa ou aplike pou renouvle kat la;
- Gen plis opsyon pou lè w bezwen rantre moun nan fanmi w Etazini;
- Opòtinite pou pitit ou ki gen pi piti 18 lane vin yon sitwayen Ameriken; epi
- Ou ap kapab jwenn pi bon travay ak pi bon revni, jan sa dwe ye pou kèk etid.
Plis pase 4.3 milyon moun ki gen Kat Rezidans tankou w vin sitwayen nan 5 lane ki sot pase yo epi plis pase 95 pousan moun ki aplike reyisi tès natiralizasyon yo a. Pa rete tann. Kòmanse jodi a pou w kapab sezi opòtinite pou w patisipe totalman epi pou w vin yon sitwayen Ameriken.
Sensèman,
Ur M. Jaddou
Direktris, Sèvis Sitwayènte ak Imigrasyon Etazini
Pifò nan lyen sa yo disponib sèlman nan lang Anglè
Topics
Tcheke elijiblite pou vin yon sitwayen Ameriken
Kesyon sa yo ap ede w detèmine si w kalifye pou ranpli Fòm N-400, Aplikasyon pou Natiralizasyon.
Tcheke si ou elejib pou yon egzansyon frè
Lè USCIS rekonèt ke kèk aplikan pa kapab peye frè pou ranpli yo, USCIS gen yon fòm egzansyon frè ou ka ranpli ak Fòm N-400 ou. Si w kalifye pou yon egzansyon frè, ou ka aplike a yon pri redwi oswa gratis.
Jwenn Sèvis Legal
Jwenn founisè sèvis imigrasyon ki otorize ki ka ede w avèk Fòm N-400 ou an. Kèk nan founisè sa yo ofri sèvis gratis oswa a pri ki ba.
Kreye yon kont USCIS sou entènèt
Li gratis pou w kreye yon kont ak USCIS epi li pèmèt ou soumèt epi swiv pwogrè Fòm N-400 ou sou entènèt. Sit sa a gen yon videyo pou ede w kòmanse.
Aplikasyon pou Natiralizasyon
Telechaje Fòm N-400 epi aprann sou frè pou soumèt aplikasyon an, enstriksyon pou ranpli, ak dokiman pou soumèt.
Etidye pou tès la nan lang Kreyòl Ayisyen
Pou ede w prepare, USCIS te tradui lis konplè 100 kesyon sivik posib ak repons yo nan lang Kreyòl Ayisyen.